السعيديه

منذ فتره ليست بالبعيده اصبحت اشاهد نشرات الاخبار المعنونه فقط ؛ فقد سئمت متابعه التفاصيل لاحساسى باننى اشاهد مسلسل يوميا متكرر فمشاهد اليوم هى نفس مشاهد الامس ومشاهد الغد هى المشاهد المتوقعه.
ولكن ما يحزن الفرد منا هو التناحر مابين الاخوه وبعضهم متناسين ما هم فيه فتذكره قصيدة للاستاذ / عبد الرحمن الابنودى يقول فيها :
شوف كام سنه عدت وانا صاحى
اسم بلادى هو سلاحى
والثورة بتسهر صباحى
فى الحاره الفلسطينيه.
الف سلامه يا علمى اللى ظلموك ياما
حتى الدنيا ليها قيامه
فى الحاره الفلسطينيه.
اعلامى سودة من الهم
اعلامى حمرا ودة دم
فى الاكفان البيض بنتلم
من الحاره الفلسطينيه.
يا سلالم طالعا بثوارها
أجسدنا سلم لقمرها
الاطفال خلعت اعمرها
فى الحارة الفلسطينيه.
يا ارض الرسالات باركينا
بنوفى الندر اللى علينا
والموت بيرفرف حولينا
فى الحارة الفلسطينيه.
يا حجارتى لسلاح الواطى
يا قنابل يا رصاص مطاطى
انا ماشى وفى ايدى حجاره
وجهنم اولها شراره
فى الحاره الفلسطينيه.
انا راجل باقى على العهد
وشهيدك جايلك على الوعد
انا جثه فى كنيسه المهد
والحاره الفلسطينيه.
والبنت ..
البنت اللى يدوب تيجى ورده
انفجرت فى القدس وفردا دراعتها
وبتندها الحاره الفلسطينيه.
يا عيون الدنيا يا شيفانا
عميه والا انت عميانه
عمرك ما هتبقى ويانا
فى الحارة الفلسطينيه.
يا الاقصى وشامخ فى مكانك
متغمز فى الحزن أذانك
بتعد اللى ماتوا علشانك
فى الحارة الفلسطينيه.
كفى صراخك ما بيسمعنا
غير الدمع اللى فى مدامعنا
احياء والقبر اللى جامعنا
والحاره الفلسطسنيه.
ولا بصياحنا ولا بنوحنا
ولا نخلق فى العتمه صباحنا
لا بأيدينا و سلاحنا
فى الحارة الفلسطينيه.
ما حناش ضعفا ولا حنا غلابه
مهما حوت حولينا ديابه
واتردمت تحت الدبابه
الحارة الفلسطينيه.
شكرا لصاحب القصيده ولعلها تكون سهام خير لقلوب وعقول المرابطين الذين كان حال لسانهم يقول الثورة ضد الصهيونى ..هى عقلى وهى جنونى..واتقهقر لما يردونى ..للحارة الفلسطينيه.